" LLEALTÁ "
El perru lu acompañaba
hasta el chamizu ca día
y con el , el pan de escanda
con chorizu compartía ,
y nun ye que i sobrara
y el perru lo sabía...
Y facía imaxinaria
en frente la bocamina ,
con sol , lloviera o nevara...
Tul mundo lu conocía !
Envuelto en papel de estraza
so bocadillo partía ,
y un cachucu y dexaba
de chorizu o de tortilla
con un pocu pan de escanda ,
que antes de dar la tira
guardaba nuna trabanca
pa dailo cuando salía...
Aquel perru la gozaba
dando saltos de allegria
cuando al guaje acollumbraba
con la llámpara encendía...
Traía negra la cara
pero ya lu presentía
a cien metros y lladraba ,
y les manes y llamía
cuando con el se encaraba
mientres el rabu movía...
Y xuntos diven pa casa...
Detrás de so amu diva ,
y aunque muncho nu abundaba
e na aldea la comida ,
muy orgullosu el taba
de aquel amu que tenía...
Más un día muncha agua
salió pe la galería ,
y vió xente que lloraba
y vecinos que acudían...
Vió llegar una ambulancia
y salir una camilla ,
y tapau con una manta
y aunque la cara non vía ,
sabía que se trataba
del so amu ya sin vida...
Y devaxo de la manta
vió que un brazu i caía ,
y la so mano apretaba
aquel cachu de tortilla
envuelto en papel de estraza...
Y desde aquel triste día
esto perru nun se aparta
de enfrente la boca mina ,
y envuelto en papel de estraza
i dan chorizu y tortilla
con un cachu pan de escanda ,
los mineros que a la mina
acuden pe la mañana .
OLEGARIO - 19 - 6 - 2021
NAVALIEGU - LLAVIANA - ASTURIES .
