¿ Ónde tas ?
Nun sé si tamos escondiendo de ti
o yes tú quien te guardes de nós.
Seya como quier, nun podemos venos, namás albidranos.
Porque tamos equí, nel mesmu mundu.
pero tres una capa que nos despinta de la realidá.
Dacuando puede ser la borrina;
dacuando son otres coses.
Por eso, n´ocasiones sientes que l´agua
y les nubes nun vien por sí mesmes,
sinón que daquién les trai.
O crees ver una solombra en casa
que te desordenó los cacipios.
O que nel interior d´aquella cueva na mariña relluma
daqué que bien pue ser una ayalga o un únicu güeyu.
O que´l monte, onde se pierden los cazadores
y atópense los pastores,
nun ta salu sinón que daquién lo guarda.
Cucú. Nun nos ves, pero tamos equí.
Somos la maxa
