¡AY DIOS¡.......TABA TRISTI,
MUY TRISTI L´ALDEA¡
EL AIRE GUFABA.........
GUFABA CON JUERZA;
RINCABA GORBIZOS,
VOLTIABA LA FUEYA........
¡SIÑOR, QUÉ TRISTURA
CUNDÍA N´ALDEA¡
SI NON ABOCANA
LA LLUVIA FAI PRESA;
YE UN RIU ´L CALEYU;
YE UN MAR LA PRAERA....
EL TRUENU ARRESTALLA
NEL MONTE Y LA ERA ,
PAEZ QU`EL RELLUMU
NOS TRAI LA CEGUERA.
LOS PÁXAROS,MUDOS,
NEL PIRCU LA LLERCIA,
NIN CANTEN, NI BLINQUEN,
NI ESNALEN DE PENA.
NEL CIELO HAY ÑEGRURES,
LA ÑEVE TÁ CERCA,
QUE´L SOL EN DEYURI
NOS RISCA SIQUIERA.
EL TRUENU Y EL RAYU
AMARGUEN LA TIERRA,
VENDRÁN SOBRE´L MUNDU
FACIENDOLU REPLA........
¡AY, DIOS.....QUE TRISTECES
COLUMBRA ESTA ´LDEA¡
ALLA´N LO CIMERO
DEL MONTE, N´UNA GÜELTA
QUE FAEN DOS VEREDES
AL PAR DE LA GÜERTA,
MUY GACHA,´NTRE MATOS,
DE HIEDRA CUBIERTA
HAY UNA CHOZINA
TAN PROBE, TAN VIEYA,
QUE LLOÑE AFEGURA
LA MESMA POBREZA
ALLI ´NTRE ÑARVASU,
ALLI TA REGÜELTA
AQUELLA GÜELINA
QU´ATENDI A CARMELA.
TARÁZALA ´L FRIO;
EL AGUA QUE-I ENTRA
PER ENTRE LES TEYES,
PINGANDO LA DEXA;
TA TOA´N GÜESINOS,
COLOR TIEN DE CERA,
YE CASI UN CALAVRE,
PA CHALU NA TIERRA.
LA PROBE TA MALA.
QUICIADES NA GÜERTA
TRIÓ UNA GAFURA
SIN D´ELLO TER CUENTA;
LLANTÓI EL VENENU
PIZCOI UNA VENA
Y VA PA MORRESE
SI FO SACAVERA.
---¡AY VIRXEN¡- DICÍA-
¿ Ú TA MIO CARMELA
¿ Ú TA LA MIO VIDA?
¿Ú TÁ LA MIO ÑETA?
FUXO PER LES MALVES
PAL MAL DE SO GÜELA;
TARÁ AVELLUGADA,
TARÁ PER UQUIERA
PLASMADA ´SCUCHANDO
RUXIR LA TORMENTA.
¡AY, FIA DEL ALMA¡
(¡ ¡QU´AL LLAU DE DIOS TEAS¡)
¡PERDONA A TÓ MADRE,
PERDONA ´STA GÜELA,
QUE SOLA PEL MONTE
DEXÓ DIR LA NEÑA¡
ANSI ENTRE ´L ÑARVASU
FALABA LA GÜELA
CON VOZ QUEXUMBRONA
QUE PENA DA OYELA......
DE PRONTO SINTIOSE
UN RUIU ALLÁ JUERA ;
YE´L PERRU DE CASA
QU´ ALLEGA A LA PUERTA;
AULLANDO ´SGATUÑA
Y LLADRA CON JUERZA.
AL VELU ,DIÓ UN BLINCU
DE SUSTU, LA VIEYA
-¡AY¡.....CÚNTAME, MORO
(DICÌAI LA GÜELA)
¿Ú TA LA NEÑINA?
¿QUE FÓ DE CARMELA?
¿POR QUÉ GÜELVES SOLU
SI FOSTE CON ELLA ?
EL PERRU, AMUSGADU
Y UNTÁU DE FOLLERA,
´NEL LLAR FOI A CHASE,
Y ANSI, A SO MANERA,
LLADRANDO AL SO MODU,
CUNTÓI A LA GÜELA
-¡¡¡¡QUE FOI DESPEÑADA
LA PROBE CARMELA¡¡¡¡-
SALIÓ LA NEÑINA
DE CASA,LLIXERA,
COL CESTU NEL BRAZU
Y EL PERRU A LA VERA
BUSCANDO FÓ AL MONTE
CORRIENDO ´N SIN PENA,
LES MALVES QUE CUREN
EL MAL DE LA GÜELA.
EL MORO BARRUNTA
QUE VIEN LA TORMENTA
MORDIENDOI LA SAYA
FAI SEÑA A LA NEÑA
MÁS ELLA NO ATENDI
DEL PERRU LA SEÑA.
Y BUSCA LES MALVES
PA ´L MAL DE LA GÜELA.
EL MORO NON PARA
REPITE A MORDÉILA;
Y BUSCA Y REBUSCA
PEL MONTE, CARMELA;
Y GÜELVEN LOS TRUENOS
Y AZÓTAI LA CIERZA;
ENTROI CORUXIA
Y DANDO LA GÜELTA
CORRIÓ P´ACIA CASA
POR MOR DE SU GÜELA.....
VA TOA AZORADA;
LA ROPA ´SGUEDEYA
PER ENTRE LOS MATOS;
MÁS ELLA, LLIXERA
NO ATINA ´SMUCISE
Y ENTRE ´LLOS LA DEXA,
¡SI EN NADA PENSABA.....
TAN SOLO NA GÜELA¡
AL DIR DAR UN BLINCU
FALSÍOI UNA PIERNA
Y AL FONDU ´N BARRANCU
CAYÒ ,¡PROBE NEÑA¡
Y ASCONTRA D´UN CANTU
FRAYÓ LA CABEZA.
¡ANSI DIOS LO QUIXO¡
¡AY,PROBE CARMELA¡
MENTANTO ,NA CASA,
SOSPIRA LA GÜELA
PIDIÉNDOI AL CIELU
QUE-I UNVIE LA ÑETA.....
LA ÑETA, FRAYIDA,
MORRIÉNDOSE QUEDA ,
BESANDO LES MALVES
QUE TÁN XUNTO D´ELLA....
LES MALVES QUE CUREN
EL MAL DE LA GÜELA.
Y ALLÁ ´N LO CIMERO
DEL MONTE, S´ALCUENTRA
AQUELLA NEÑINA
TENDIDA, YA MUERTA.
LOS PAXÀROS CANTEN
BLINCANDO AL PAR D´ELLA
EL PERRU, LLADRANDO ,
TA CHÁU A SO VERA .
EL AIRE PACIBLE
QUE CRUCIA L´ALDEA
QUICIÁIS LLEVE´L ECU
(¡¡OH, VIRXEN QUE PENA ¡¡¡)
DEL ADIÓS POSTRERU
QUE LLANCÍA LA GÜELA.
MORRIÓ LA VIEYINA.....
MORRIÓ DE TRISTEZA,
MIRANDO PA´L MONTE
U FOÍ LA SO ÑETA
¡¡¡ADIOS LA GÜELINA¡¡¡
