Vos deseo querid@s amig@s felices fiestas

sábado, 8 de enero de 2011

JOSÉ BENIGNO GARCÍA "MARCOS DEL TORNIELLO"


(Xosé Manuel García González)
1853-1938)

Alcuñu lliterariu de Xosé Manuel García González. Esiste cierta confusión sobre’l verdaderu nome de Marcos del Torniello; asina na mayor parte de la bibliografía esistente sobre l’autor avilesín caltiénse que’l so nome real yera’l de José Benigno. La cuestión acláriala Antón García na edición de la Obra asturiana de Marcos del Torniello: un tracamundiu acontecíu na so época d’escolín fai a José Manuel adopar el nome de so padre: Benigno. Antón García tamién aclaria que’l llugar de nacencia de Marcos del
Torniello ye Gozón y non Avilés, como siempre s’afirmó. Nació en 1853. Estudió na Escuela d’Artes y Oficios d’Avilés y bachilleratu n’Uviéu; matricúlase en Derechu na Universidá, anque nun llega a acabar la carrera. Dende entós dedícase a exercer la enseñanza en dellos centros docentes.
   Colaborador habitual d’abondes publicaciones periódiques y fundador d’otres, la so popularidá va veni-y de la so obra escrita en llingua asturiana. Tambor y gaita (1904) ye’l so primer llibru; impresu col apoyu económicu de la Diputación ye un conxuntu de versos de calter costumista y humorístico, na llinia trazada décades atrás por Teodoro Cuesta. A  esti llibru síguenlu La esfoyeta, imprentada en Madrid en 1906 y Colasón de Patagorda ó ¿En qué falto yo a daquián?, publicáu n’Avilés en 1918, dos breves pieces teatrales tamién de calter costumista. Nel añu 1925 da a estampa Orbayos de la quintana, quiciabes la so obra más conocida, con prólogu d’Armando Palacio Valdés y portada del pintor Paulino Vicente; el novelista asturianu empobinara tiempu atrás una campaña de suscripción popular pa sufragar la publicación d’esti llibru.
   Autor d’una amplia nomadía ente los escritores n’asturiano d’esti sieglu y paradigma per munchu tiempu del “bablista” por escelencia, la so obra nun paez tener avieyao cola mesma dignidá que la d’otros contemporanios suyos.
   Collaborador de la prensa asturiana y americana, la so obra más popular ye, ensin dulda, la lletra de la famosa habanera "Soi de Verdiciu".
   Falleció n’Avilés nel añu 1938. La Conseyería de Cultura del Principáu dedicó-y nel añu 1996 la Selmana de les Lletres; con esi motivu publicóse’l primer tomu de la so Obra asturiana n’edición a cargu d’Antón García.


La sidra

"A mi naide me retruque
nin me lleve la contraria
cuando falo de la sidra
que se bebe na quintana
porque doi un cevellazo
que me caso con mi alma,
si non lleva que arrascar
pa tres meses ena cama.
Que non fale tan siquiera
de la lorza de la saya
de mi ma con menosprecio,
ni a la sidra i ponga tacha;
que si non, me caso en baxo,
rebaráxoles, non cata
otra pinta de la llechi
de los tetos de la vaca,
nin apreba más boroña,
nin gorguta más palabra,
porque llévenlu entre cuatro
pa la última morada.
Que la sidra que ye sidra
manteguera, la qu'espalmia,
la que tien un palo güeno,
qu'escentella i fiende-i l'alma,
la qu'esfecha en panizales
en el vaso de la cara,

esa sidra dexa bizcos
a los vinos de Campaña.
(José Benigno García, "Marcos del Torniello")

4 comentarios:

  1. Amiga linda, amo estar aqui com você! Deixo pra ti uma chuvinha de carinho para que nossa amizade germine e cresça cada dia mais, viu? Bjsss

    ResponderEliminar
  2. ...bonitos versos a la sidra el de este Asturiano que nos deleita acordandonos de Asturias...gracias por esas hermosa rosas negras como el azabache y el bello diamante negro...un abrazo muy fuerte de esta amiga Leonesa ...
    Marina

    ResponderEliminar
  3. Niña la Sidra y un centollo ummmm...Bueno y esos choricillos cocidos con la espumosa sidra también están muy requetebuenos...Bueno y que no hay rico en tú tierra...Si vives en un paraíso...Así soy todas las Asturianas tan lindas...No puede ser de otra forma querida Ozna...jaja.
    Muchos besitos y que tengas un feliz Domingo.

    ResponderEliminar
  4. "Que la sidra que ye sidra
    manteguera, la qu'espalmia,
    la que tien un palo güeno,
    qu'escentella i fiende-i l'alma,
    la qu'esfecha en panizales
    en el vaso de la cara,"

    Hermoso querida Ozna!

    "Que tien esa sidrina
    que sabe tan bien
    que cuandu la bebo
    más quiero beber ..."
    Besossss!!!!


    esa sidra dexa bizcos
    a los vinos de Campaña.

    ResponderEliminar